NERVETTI DI VITELLO IN AGRODOLCEProsighimos su ziru nostru pro iscobèrrere màndigos sardos antigos. Comente ischimos, sos babbos mannos nostros depiant fàere sos contos medas bortas cun sa pobertade, e cricaiant in-d-unu modu o in s’àteru de s’assentare a su mezus manera preparande su ite papare cun sos ingredientes chi teniant in domo.

 

Cuasi totu sas famìlias allevaiant su procu in domo insoro, pro tènnere sa provista de petza sartitza, ozu e sabone, e medas teniant finzas arbeghes e àteros pegos. Dae su procu (non si fuliait nudda) si faiat sa ’eladina chi si cumponet de peincheddos de procu o de anzone, ma puru de ’ulu, buddios in abba, lassaos meda coghinde.

 

Sos nerbigheddos buddios si podent usare segaos a cantigheddos e coghinaos cun bagna.

 

 

Sa ritzeta

(Ingredientes pro 3 o 4 persones)

A su mancu unu chilu de peincheddos de procu, anzone o ’ulu a praghere

Abba salia cun-d-una cullera de aghedu

Tamatas, una chibudda, perdusémene e azu (si aggrada).

 

 Preparatzione:

Si ponent sos ingredientes in-d-una casserola de abba, totu a fritu cun sale, aghedu, chibudda e perdusémene e si ’uddit po a su mancu un’ora. Sa petza dda faimos in custu modu: in-d-una sartàina si sofriet in-d-unu pagu de ozu ermanu, una sigulla de azu (cando est dorada si che chirrat), metade de una chibudda a cantigheddos piticos, e sos nerbigheddos. Azunghimos una cullera de tzùcuru, una mesu tassa de aghedu, tamatas friscas: si insaborit a su mancu deghe minutos azunghinde s’abba de cotura filtrada. Unu pagu prima de istudare su fogu s’azunghet perdusémene segau a piticu e pìbere. Si servit cun pane carasau. Si cherimos papare custa pietantza frita, dda ponimos in-d-un’istrezu, azunghimos su brou de cotura, filtrau, e lassamos in frigorìferu.

S’abba inue si suni cotos sos peincheddos; si dda filtramos dda podimos usare pro sa preparatzione de medas pratos antigos e modernos.