Su 2023 est s’annu de Lionardu Pavoletti. A 35 annus su capitanu de su Casteddu, finas chi intru de sa carriera sua apat tentu annus meglius po is gol fatus (binti cun su Varese, feti po fairi un’esempiu, in dd’unu campionau de Serie B giustu dex’annus a oi, in su 2023-2024) est bivendu ocannu, a dogna manera s’annu prus galanu de candu est gioghendu a bocia. Gol lamat gol, si scit, e immoi ddi pigat s’errisigeddu: “Est un’ora bona de averas”, contat su numuru 30 in s’intervista a “Il Cagliari in diretta” in s’arradiu de Radiolina, “est a nai ca finas sa acanta Paschigedda tenit sempiri sa maja in pissu”.
Est finas a nai ca ocannu, po Lionardu Pavoletti, non fut cumentzau in sa manera meglius. A pustis, e totu pensant a cussu merì de su stadiu de Santu Nigola in Bari, candu at fatu allirgai totu sa genti sarda, totu est mudau. “Est stetiu un’ingrugi, Cuss gol a mei at donau spera e fidi, ma non feti a mei. At fatu torrai a partiri totu su movimentu de su fubalu, de sa sociedadi e, massimamenti de is tifosus, chi funt sighendu in cussu caminu. Est un’ammaju de averas chi nosi torraus a castiai su contu de cussas duas partidas de làmpadas passau. Totu est cambiau in su giru de una pariga de segundus”. E non si podint mancu scaresciri is gol de Pavoletti a su Frosinone e a su Sassuolo. Is tifosus casteddaius galu s’aplurtzant candu pensant a cussus dus gol, lompius candu nemus ci creiat prus.
S’allenadori de su Casteddu Ranieri si ddu carignat e, po s’atacanti de Livorno, at aprontau unu ruolu e unu annomingiu, cussu de “Altafini de su Casteddu”: “Mi pragit. Candu ti donant miniscimentus po cussu chi fais in campu est sempiri bellu. Sa cosa de importu est chi Ranieri scipat de tenni in scuadra un’omini, chi podit giogai unu o noranta minutus, ma est sempiri a dispositzioni”.
Màuru Mura
Cenarba, su bint de mesi de Idas de su 2023
Attività realizzata col contributo della Regione Sardegna – Imprentas 2023-2024.
Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018
Foto: https://www.corrierepl.it/2023/06/11/il-cagliari-torna-in-serie-a-pavoletti-gol-in-casa-bari/
