Intru de su mesi de làampadas e cussu de orgiolas, in is Stdus Unidus, Canada et Messicu, si funt giogaus is Campionaus mondialis de Fubalu.
A su cumentzu funt in corantotu is scuadras, cumpartzias in dogi gironis de cuatru scuadras dognunu. A su cumentzu si funt amostadas natzionalis allirgas, comenti de Capo Verde e Curacao, chi ant obertu is ogus a is tifosus de sa bocia. Est a nia puru ca su matessi Capo Verde at giumpau su gironi e at agatau s’Argentina de Messi chi, po passai, si dd’at depia gherrai cun totu sa fortza. Difatis is africanus pariant aici facili de binciri e invecias, a pustis un bataglia in campu, is americanus de suta ant bintu feti po 3-2. Addiritura su Capo Verde at frimau finas sa Spagna, chi in segus at vintu su Mondiali: 0-0 in sa partida de unu.
A pustis is sedeicesimus funt benias foras is fortzas veras de is scuadras abarradas. Sa Francia fut cussa favoressia de totus, po is giogadoris fortis de a veras cun is calis si preniat de sa porta a s’atacu. Totu beni, po is francesus, finas no ant agatau in su caminu insoru is sapgnolus de De la Fuentes. Tandu est mudau totu e sa Francia est orruta asuta de is gol Oyarzabal e Pedro Porro. Bincendu aici si funt donaus sa possibilidadi de giogai sa finali de dominigu passau.
S’Argentina, chi a nai sa beridadi at amostau feti barra, cropus e gana, dd’aspetaiat cun sa seguresa e sa fortza d tenni a su giogadori meglius de su mundu, Messi est a nai.
Finas a tandu sa Seleccion iat amostau calencuna cosa chi no andaiat, massimamenti in difesa e giai in partentzia pariat prus debili de is spagnolus.
Difati, candu a s’acabbu de is tempus in prus mancaiat unu cuartu de ora unu gol de Ferran Torres, giogadori de su Barcellona, at arregalau a sa Roja sa seguda copa de su mundu, a pustis cussa binta in su 2010 in su Mondiali de su sud Africa.
