“Oi e sempiri, keep racism out”, custus funt is fueddus de sa sociedadi de su Casteddu a pustis is polemicas de cussu chi est sussediu a s’acabu de sa partida contras de su Milan, sabudu passau a sa Unipol Domus, cun is milaninastaas Maignan e Tomori, chi ant denuntziau de airi intendius bogis e fischius, po issus po su colori desa peddi, de is tifosuss casteddaius chi furint in su stadiu. A nai sa beridadi no est sa prima borta chi sussedit in Casateddu: sa memoria nos arregodat sulidus contras de Muntari de su Milan, Kean de sa Juventus e Carlao de su Torinu.

Sa Figc no est abarrada cun is manus in manus e inderetura at obertu un’indagu in pissu de custu constu. Immoi lompit finas sa bogi uficiali de sa scuadra casteddaia chi, po difatis at postau in su social cosa sua fueddus crarus: “No a su ratzismu”, acumpangiendu is fueddus cun fotos chi faint biri is tifosus giovuneddus cun cartellonis e striscionis cun scritas de sa matessi manera: “Su stadiu no est logu po certai ma poa barrai totu paris”, “Bastat cun su ratzismu” e “Cartellinu orrubiu a su ratzismu”.

Finas su portieri de su Milan Mike Maignan iat arrespustu, a manera sua, in d’unu social: ponendu sa fotografia de una scimia cun su didu de mesu artziau, acumpangiada de is litaras N.W.A, chi boliat nai Niggaz Wit Attitudes, una truma musicali de hip hop de is Stadus Unidus chi fut grandu connotu in is annuso tanta e noranta.

In su mentris, is agentis de sa Digos de Casteddu ant obertu un’indagu po erribai a connosciri chini at ofendiu is dus milanistas. Funt cumentzendu a castiai is videus e is registratzionis de is microfunus chi s’agatant in is orus de su campu. Ma non si funt frimendu a custu: sa Cuestura bolit agatai fintzas cussus chi ant tirau butiglieddas in campu e allutu dogna fumogenus a intru de sa Unipol Domus intru de mesu de sa partida. In is dis chi erribant, castienduru beni, calencuna cosa at a bessiri a campu e tandu calencunu tifosu at a pagai cussu chi at fatu.

 

 

Màuru Mura

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

Foto: https://tg24.sky.it/sport/2022/03/20/maignan-insulti-razzisti-cagliari-milan