Po cussu chi pensat s’igienista Walter Ricciardi ancora non seus prontus po nosi tirai sa mascheredda in totue po cicai de binciri in sa manera giusta sa masccheredda. Ricciardi torrat a fueddai de s’importu mannu chi tenit galu in is logus serraus, finas a pustis su permissu chi su guvernu at donau de su primu de maju.

“Deu pensu ancora – narat in d’una intervista donada a su Messaggero – chi nosu depeus poderai is mascherinas sonumancu finas a su mesi de làmpadas. Creu chi coidendu su Guvernu custa decisioni dda depit pigai. Su matessi ddu pensu po su Green Pass po is logus serraus e prenus de genti. Ma, torru a nai, funt decisionis chi si depint pigai candu tocat”.

Su pensamentu est massimamenti a is atrus Stadus chi ant decidiu dde ndi tirai is mascherinas in is regulas contras su Covid e de tandu s’impestu est cresciu un’atra borta e at fatu pensai, unu pagu a totus de torrai a goa de sa prima pensada, comenti s’Austria chi a torrau a ponni in obrigu sa Ffp2 in is logus serraus.

S’erriscu mannu po s’Italia iat essi cussu de torrai a si ndi pesai is impestus in sa stagioni prus de importu, s’istadi chi donat trabagliu e dinari a meda genti.

“Iat podit essiri chi is impestus si pesint propriu in is mesis de s’istadi – sighit a nai Ricciardi – e duncas podit essiri ca calencuna de is decisionis giai pigadas tocat a dda torrai a biri. De s’orrestu, est naturali, chi ndi tiras is mascherinas in maju est facili meda chi su impestu prus mannu possat tocai in is mesis de làmpadas e triulas. Finas chi, est a nai, in s’istadi sa genti abarrat prus is in is logus obertus e calat sa possibilidadi de impestu, cunfroma a is annus passaus, ma finas cun su tempus bellu tocat a donai atentzioni”.

“Custa varianti est prus apicigosa – narat sempiri Ricciardi pensedu a Omicron – cun su arresurtau chi imoi su Sars-Cov2 impestat ne prus ne mancu comenti de su murmugiolu e dognunu de nosu ndi podit impestai cunindi o seixi. Est po cust’arregoni chinosi depeus fairi agatai prontus a torrai in segus a is decisionis giai pigadas”.

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

Foto: https://tg24.sky.it/cronaca/2022/03/20/covid-ricciardi-mascherine-estate