Sighit e non si frimat s’atacu de sa Russia in Ucraina. In is primas oras de su mengianu si funt intendias tres scopius fortis in sa zona de s’aeroportu de Leopoli, chi est po sa genti comuna e non po is sordasu. Leopoli est sa citadi prus ocidentali de s’Ucraina, aunia funt lompias medas ambasciadoris chi s’agataiant, a innantis in Kiev.
Inderetura de s’orrestu de sa citadi si podiat biri su fumu nieddu de is bombas in cussa zona, comenti si podit biri chi teneis gana de cicai in internet o chi nde chi no castiai in sa televisioni. Po su sindigu de Leopoli sa pensada de is russus fut cussa de sciasciai una frabica de aereus chi si ddue agataiat.
Intru de mesu de su noti, invecias, is sordaus russus ant sighiu a bombardai in sa provincia ucraina de Lugasank, chi galu est suta su poderi de Kiev, po cicai de sfundai e intrai bia Rubizhene. Un’atru fogu mannu in su mercau prus mannu de s’Europa orientali in Kharkiv, boddia fintzas custa de is missilis de Mosca.
In su fratempus de is Stadus unidus faint sciri sa propria bogi: “Chi sa fherra sighit aici – narant de sa Omu Arva- crescit su perigulu de un’amelessu nucleari. Mosca forsis, in s’andai de su tempus, at umperai armas sempiri prus perigulosas po fairi fortza in su pubricu de domu sua e po is strangius”.
Po cussu chi pertocat su mundu de sa diplomatzia s’aspetat sa telefonada intru de Joe Biden, su presidenti americanu, cun Xi Jinping, chi at essi sa prima de candu totut cstu carragiu est cumentzau: de seguru su presidenti americana at a cicai de cunvinciri Pechino po chistionai cun Putin in manera de ddu fairi frimai cun custu machimini.
Eris Mykhailo Podolyak, consiglieri de su presidenti ucrainu Zelensky, w’est obertu unu pagheddu a novas bonas chi podint lompiri: “Po imoi nosu e is russus seus frimus in cussu chi creus, at nau, ma s’acabu de totu podit erribai a intru de pagas dis o a una dexina. In custu tempus nosi depeus acostiai a un’acordiu de pagi”.
Su mundu, sa genti comuna bolit custu. Frimaosì.
18 de martzu de su 2022
Màuru Mura
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”
Foto: https://tg24.sky.it/mondo/2022/03/08/guerra-ucraina-leopoli-reportage
