Unu sardu in pissu de dus non si dda intendit de bufai abba de su grifoni. Una percentuali meda prus arta de cussa de s’orrestu de s’Italia chi fait erribai sa de duas intru de totus is atras regionis.

S’atra dì fut sa giorronada mondiali de s’abba e s’Istat at amostau is arresurtaus de una cica: su 28,5 de is familias italianas narat, chena problemas, ca non bufat s’abba currenti in domu ma dda comporat in is butegas.

Numurus cuasi ogualis a cussus de su 2020, narat s’Istat, finas chi in su tempus s’est abasciada de meda, bastit a pensai ca in 2002 sa percentuali fut de su 40,1%.

Mannas, a dogna manera, is diferentzias intru de su nord de s’Italia, chi est de su 16,8% a is isulas chi est de 57,2.

Notevoli le differenze territoriali, si passa dal 16,8% del Nord-est al 57,2% delle Isole.

Po cnatu pertocant is regionis agataus a innantis de totus sa Sicilia cun su 59,9%, sighia comenti eus nau de sa Sardigna. Sighit sa Calabria cun su 38,2%. Percentualis bascias de aberu in is provincias autonomas de Bolzano, cun su 0,8% e de Trento, cun su 2,4%. Tentint fidi in s’abba chi calat in is grifosin finas is abitantis de sa Valle d’Aosta (feti s’8,6% non tenit fidi) e de su Friui Venetzia Giulia, cun s’11, 6%).

Una pregunta chi nosi poneus de meda po custu contu est custa: non bufaus abba chi lompit in is domus ca timeus aunia passat, ma non eus mai pensau a su caminu chi fait chi comporaus in is ampuddas de prastrica e agataus in is butegas? Cust’urtima abarrat serrada po mesis intreus, erribat de nosu pighendu soli e frius, abarrat fuliada po dis intreas a intru de is Tir. Nosi fait intendiri prus segurus? Chi s’arrespusta est ca giai bolit nai ca calencuna orrodigedda non si funtzionat in conca nosta.

E a su dinari chi ci fuliaus comporendudedda non ci pensaus. Sa spesa media de dogna familia est de dexi eurus a su mesi, no at essi meglius a si spaciai cussu dinari comporendu unu liburu?

 

 

23 de martzu de su 2022

 

 

Màuru Mura

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

Foto: https://fivol.it/acqua-fredda-non-esce-dal-rubinetto-cause-e-soluzioni/