Sa Costa Smerala sighit a essiri una de is terras prus cicadas po domus po erricus. Po sa cica chi at fatu Immobiliare.it, intru de su 2019 e su 2021 is preguntas po domus, chi su prus de sa genti podit feti bisai, in sa costa prus connnota de sa Sardigna s’est pesau su pretziu de is domus, ca poi a das lamai domus est a betai frastimu po chini bivit in coranta mestus cuadrus.

De sa cica ndi benit a foras ca de su 2019 su disigliu de si comporai villas in Costa Smeralda est crescia de su 9%, erribendu a s’1,1% de totu is preguntas de su mercau de domus po erricus.

Po cussu a oi su valori de su inari de is imobilis est cresciu de su 40% caastiendu a su 2019 e in dinari bolit nai chi est lompiu a 1,04 miliardus de eurus.

Sa matessi percentualide pesada at fatu signai is preguntas de domus po erricus in Costa Smeralda, chi de su 2019 a s’acabbu de su 2021 est lompiu a su 40% cun d’un’area oguai a 156.350 metrus cuadrus, ocupaus po s’80% de villas chi a ddas biri funt cosas de spantu.

Su contu tenit presenti de is pretzius intru de is prus bascius e de is prus artus: po comporai una domigedda in Porto Cervo tocat a si ponni in conca sonumancu undixi mila eurus a su metru: mentris calat a setimila e cincu a su metru po una villa in Palau (ca duncas abarrat a foras de sa Costa Smeralda) e de cincu mila eurus, sempiri a metru cuadru, po una villa normali chena grandus pretesas.

C’at genti in su mundu chi non si podit permitiri unu buconi de pani a sa dì e atrus chi dromint in su frius in donnia e atra invecias chi si podit permitiri totut cussu chi disigliat. Est unu mundu giustu? Est cussu chi bisiaus? Nou non podit essiri aici! IAt a tocai a donai is matessis possibilidis de vida, finas poita in su baulu no at capiri ne domu manna e nemancu totu su dinari postu in su scusorgiu.

 

 

24 de martzu de su 2022

 

 

Màuru Mura

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

Foto: https://www.sardegna.info/nord-est/costa-smeralda/