In Sorso una familia, ma finas totu sa comunidadi, funt passendu oras de grandu timoria: Giacomo Zappino, unu piciocu de trintacuatr’annus non s’agatat prus, sperdiu in Londra, in Inghilterra.
Su giovunu bivit e trabagliat in d’unu ristoranti in Leeds e dominigu passau, su dixiaseti de triulas, s’agataiat in Londra aunia iat airi depiu pigai s’aparechiu po Salighera. Giacomo no est mai bessiu in cussu aperechiu: su babu cun sa mama ddu aspetaiant in s’aeroportu sardu, ma issu no est lompiu e s’est assegurau ca non est propriu mai bessiu po torrai in terra sarda.
Sa sorri de Zappino, arriolada meda, at inderetura fatu sciri cichendu de ddu fairi sciri a sa genti e po cumentzai sa cica. “Deu e sa familia mia non teneus prus novas de fradi miu Giacomo. Bivit in Leeds, trabagliat de Issho Restaurant, in pissu de su centru comerciali John Lewis. Dominigu passau est andau a Londra e fut in cumpangia de unu amigu chi bivit in sa capitali ingresa, de fatu est andau in su logu aunia fut dromendu e biora de is cuatru de mengianu, prus o mancu, a pigau un National Express po lompiri a s’aeroportu de Londra Stansted”.
De tandu nudda novas. Giacomo “at scaresciu su telefoneddu in su bus, chi est stetiu agatau e portau a s’uficiu de is cosas perdias de Stansted. Depiat pigai su bolu Stansted-Bologna e de fatu Bologna-Fertilia po torrai in Sardigna. Babbu e mamma funt andaus a nde ddu pigai a s’aeroportu po nde ddu pigai, ma non ddue fut e cun s’agiudu de sa politzia funt arrennescius a sciri ca no iat mai pigau mancunu de is dus aereus”.
Duncas sa sorri at fatu sciri comenti est fatu su fradi: artu pru o mancu unu metru e setantaseti, langiu, de coloriu scuriu, arba non meda longa, ogus mannus e pilus nieddus longus finas a suta de is origas.
“Non sciu comenti fut bestiu, ma soi cuasi segura ca est viagendu cun d’una tasca o una borsa manna e non cun d’una valigia”.
20 de triulas de su 2020
Màuru Mura
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22
Foto: https://www.unionesarda.it/news-sardegna/sassari-provincia/giacomo-zappino-un-giovane-di-sorso-scomparso-a-londra-y3j5rokb
