Si cumentzant a contai is dis chi ant a portai unu Parlamentu nou in Italia, a pustis chi Draghi c’est stupau po non tenni is votus necessarius po guvernai. E sa cursa po su Parlamentu cumntzat finas in Sardigna.
De fatu airi diminiu is deputaus s’Isula nosta s’at agatai cun seixi parlamentaris: undixi po Montecitorio a sa Camera e cincu a Palazzo Madama po su Senau.
E, fra is deputaus chi ndi bessint de su Guvernu beciu e is consiglieris regionalis, si chistionat giai de unu giru de poltronas. Eus a nai: comenti de sempri!
Is undixis deputaus sardus ant pigai is votus in cuatru collegius uninominalis (Citadi metropolitana de Casteddu, Sud Sardigna, Nugoro-Oristao, e Tatari; e po dognunu at essi partida intru de is alleanzas e non po partidus a sa sola) e seti in is “plurinominali”, duncas cun sa manera proporzionale (dogna partidu presentat sa propria lista de seti candidaus in totu sa Sardigna gioghendusì mascus e feminas). Is cincu senadoris, invecias, ant a benni a foras de is dus collegius uninominalis e de is tres proportzionalis.
Po cantu pertocat s’Italia, sa campagna eletorali est torrendu a ponni paris is partidus de centrudrestra, finas chi sa crisi at fatu perdiri calencunu deputau famau e chi contaiat meda, tra totus: Gelmini, Brunetta, Cangini e Carfagna.
In su centrumanca su segretariu de su Partidu Democratigu Erricu Letta at serrau a dogna manera s’alleanza cun is Steddaus, oberendu perou a chini est bessiu de s’atera parti e a Calenda.
“Naru a Letta ca apuapretziau meda chi apat nau ca nou a is Steddaus, ma immoi serbit craresa in pissu de cussu chi boleus fairi”, at nau su “leader” de Azione.
In su programa, narat sempiri Calenda, depit essiri craru ca “seus atlantistas e seus a favori de donai prus poderi a sa Ue ponendu prus fortza a s’alleanza cun is Stadus Unidus. Seus po donai arrespetu a is acordius po is spesas de sa Nato e a donai armas a s’Ucraina po si difendiri. Funt totu cosas chi pensu siant de acordiu cussus de su Pd puru, poita dd’as ant votadas”.
Màuru Mura
25 de triulas de su 2022
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22
Foto: https://moondo.info/il-palazzo-di-montecitorio-e-gli-altri-palazzi-della-camera-dei-deputati/
