“Non fut mai sussediu, comenti in custas eletzionis de su 25 de cabidanni ca su votu italianu  at a contai de prus in sa storia de s’Europa. Su votu at a donai un’arresurtau chi at andai o e una parti o de s’atra. A essiri paris no est mancu pensau, poita o bincit s’Europa comunitaria o cussa de is natzionalismus”. Ddu at nau su segretariu de su Partidu Democratigu Erricu Letta, in sa relata a sa diretizoni natzionali, fata in sa Camera. “Su scioberu, at sighiu a nai Letta, in pagus fueddus est intru de nosu e sa Meloni”.

“A chini ancora non scit aunia si betai” de torrrai cun is Steddaus, “a chini narat de ddue torrai a pensai su cumbidu est a castiai a eita pensant is eletoris su pensamentu non lassat atru”. Tocat “fueddai cun cussas partis chi non faint parti de is tres partidus chi non tenint peruna responsabilidadi”, chi funt po Letta Fi, Lega e M5s: “Sa lei eletorali non pedit unionis, ma feti alleantzias eletoralis e creu chi nosu eus a fairi propriu custu: fait sa diferentzia e ci depeus provai!”.

Po cussu chi pertocat su candidau Letta narat ca ancora est a coitu, ma chi serbit est prontu a fairi cussu chi parti po primu e de si pigai custa responsabilidadi.

“Prus pagu tempus si passat a certai e meglius est, ant a scioberai is italianus, non biu aunia est su problema. Chi pigat unu votu in prus  de s’atru bincit e guvernat”, est invecias su pensamentu de su capu de sa Lega Mateu Salvini, nau a Rtl 102.5: “Custu mengianu tengiu un’atobiu cun totu is ministrus e is guvernadoris de sa Lega poita si fueddat de ndi bogai s’Iva po su pani, sa pasta, s’orrosu, su lati, sa fruta e sa birdura. Est cosa chi si podit fairi giai custa cida. Po custu ia bolli trabagliai. Passai su tempus po chistionai de chini depit essiri su leader o in pissu de chini candidai mi parit tempus perdiu”.

Pigat fueddu puru su numur’unu de Azione Carlo Calenda: “Nosu pensaus a unu guvernu ‘Draghi-bis’, e nosi candidaus po custu, ma unu Stadu non si podit frimai feti a una personi po cussu chi cras Draghi iat nai ca no est possibili mi ia candidai deu e apa spiegai comenti bogliu guvernai s’Italia”.

 

 

 

Màuru Mura

 

 

 

26 de triulas de su 2022

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22

 

Foto: https://www.ilriformista.it/lunica-idea-di-enrico-letta-e-quella-di-imitare-matteo-salvini-221524/