“God save the King”: funt is fueddus nous de s’innu britannicu de fatu chi su Regnu Unidu at perdiu sa Regina Elisabetta II, morta eris a norantases annus. Carlo III at essi fatu rei in sa dì de oi cun una tzerimonia comenti andat sepiri de custas partis. Su interru at essi su 17 de cabidanni in s’Abbazia de Westminster.
De candu sa nova de sa morti de sa Reina, de totu su mundu funt cumentzaus a lompiri messagius de passientzias e is ingresus de oras portant froris e billeteddus in denanti de Buckingham Palace po ddi rendiri onori. Feti paga dìs a oi dd’ant bida in s’urtima fotografia in s’atobiu in su casteddu de Balmoral, cun su primu ministru nou, Liz Truss.
Fait farta a pensai ca candu fut nascia, su 21 de arbili de su 1926, menus iat airi possiu pensai ca cussa pipia iat essi diventada reina, poita fut figlia de su duca de York, fradi de Edoardo VIII, chi depiat diventai rei ma in segus at lassau perdiri, fendu bessiri in su tronu Giorgio VI. Sa morti de custu, improvisa, dd’at portada a si ponni sa corona in conca de piciochedda e candu at fueddau po sa prima borta a is ingresus giai si pensaiat chi at essi durada a longu: “Decraru indeannti a bosatrus ca totu sa vida mia, lunga o curtza chi siat, at essi intregada a su populu e a sa familia nosta”. Familia chi dd’at donau prus de una duda: de sa coja andada mali de su figliu Carrulu cun Lady Diana, a sa separatzioni de su principi Andria de Sarah Ferguson, matessi sorti tocada sa figlia Anna. Edoardo, s’atru figliu, est invecias coiau cun Sophie Rhys-Jones. De pagu tempus a cust’ala finas su contu de su figliu de dus de Carrulu e Diana, su principi Harry, chi de fatu airi coiau Meghan Markle at donau prus de unu problema a sa familia reali.
Totu atras chistionis de sa coja de Elisabetta cun Filipu, durada finas a sa morti de issu, de su noi de arbili de ocannu passau. Coja andada a innantis tra artus e bascius, a sempiri a is ogus de totus cun armonia e cuntentesa.
Màuru Mura
Su 9 de cabudanni de su 2022
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22
Foto: https://www.harpersbazaar.com/it/moda/storie/g41120243/regina-elisabetta-ii-piu-belle-foto/
