“Eris cun sa signora Meloni eus chistionau deprogramas meda e de is cosas de fairi a innantis de totu. Issa m’at pediu de ddi fairi de consiglieri e deus oi a dispositzioni sua. Duncas totu cussu chi est stetiu nau , in pissu de is figlius mius etc – chi iant airi cicau de ddu cunvinciri a agatai un’acordiu cun sa Meloni po difendiri sa sienda de familia – est totu un’inventzioni”.
Ddu at nau su “leader” de Forta Italia Sirviu Berlusconi, lompendu in Palazzo Madama a pustis sa ciaciarrada tenta eris cun sa presidenti de Fradis d’Italia de fatu “sa brulla” in su Senau po s’eletzioni de Ignatziu La Russa comenti de presidenti.
“In Fortza Italia seus inchietus po comenti, tentendu is matessis numurus de sa Lega, po sa manera de sa distributzioni de is collegius uninominalis, chi nos at portau binti deputaus e dexi senadoris de mancu – at aciuntu su presidenti de su guvernu beciu –. Po custu, non deu, ma is senadoris mius ant bofiu donai unu signali in custa chistioni”
Is votus de Fortza Italia chi funt mancaus a La Russa, at spiegau, furint po pediri “sa matessi dignidadi cun sa Lega, comenti dda pedeus po is atras carrigas, poita teneus is matessiss numurus de eletoris” Is senadoris de Fortza Italia, at sempiri nau Berlusconi, “funt cunvintus de votai La Russa a sa segunda torrada, duncas, possu asseguraica non ddue fut perunu mudamentu in pissu de is programas e prus pagu ancora po is personis. Deu apu pesau su centrudrestra, e soi cussu chi tenit de prus a s’unidadi de su centrudrestra”.
In su fratempus lompint is nominis de is capustrumas: in su Senau po Fradis d’Italia Luca Ciriani, po sa Lega Massimilianu Romeo, po Fortza Italia Licia Ronzulli, po su Partidu Democratigu Simona Malpezzi, po is Steddaus Brabara Floridia, po Atzione-Iv Arrafaellia Paita po is Autonomias Julia unterberger, po su Misto Pepe De Cristofaro. In sa Camera po is Fradis d’Italia Franciscu Lollobrigida, po sa Lega Ricardu Molinari, po Fortza Italia Alisandru Cattaneo, po su Partidu Democratigu Debora Serracchiani, po is Steddaus Franciscu Silvestri, po Atzione-Iv Mateu Richetti po su Misto Manfred Schulian.
Màuru Mura
Mercuris, su 19 de Santu Gaine de su 2022
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22
Foto: Ansa – Di Meo
