Funt 16.571 is impestaus nous de su Covid in is urtimas binticuat’oras in Italia po is numurus chi donat su Ministeru de sa Saludi. Sa dì a innantis funt 30526. Is mortus funt invecias cincuantanoi, crescent cunfromma a is ses de eris.

Cun 79.375 tamponis antigenicus e molecolaris fatus sa percentuali est de su 20,9%, in aumentu cunfromma, sempiri a sa dì a innantis ca fut e su 19,1%. Cun dexi intradas in prus funt invecias 209 cussus chi s’agatant in is terapias intensivas, intru de intradas e bessidas. In is atrus aposentus nd’imbucant atrus bintitres e aici in is atrus aposentus s’agatant in 4.585, chi bolint nai centuotantaseti in prus de sa dì a innantis.

Sempiri in Italia cussus impestaus de su Covid funt po immoi 574.649, duncas 18.699 de mancu de is urtimas binticuatr’oras. De friargiu de su 2020 is italianus impestaus in totu bessint a 17.896.065 e is mortus bessint a 167.780. Is de eriseru funt 35.545, chi portant su numuru in totu a 17.153.636.

In Sardigna is impestaus Covid funt calendu, ma in s’urtima dì crescit su numuru de is is ricoveraus e agataus unu mortu puru.

Sa percentuali a intru de is tamponis, molecolaris e antigenicus, e is impestaus est de su 56%.

Custus funt is numurus donaus de sa regioni lunis binti de lampadas: “In Sardigna si contant atrus 753 impestaus e de custus 688 lompint de tamponis antigenicus. In sa terapia intensiva nd’imbucant unu in prus e immoi funt otu e in is atrus aposentus si nd’agatat dus in prus, immoi 94.

14.875 funt incungiaus in domu e una femina, chi biviat in sa citadi Metropolitana de Casteddu, chi teniat 73 annus est morta.

Ligius immoi is numurus giai parint bonus, ma ancora no est passau nudda, finas poita tocat a battagliai finas a lompiri a su numuru zeru, ca ndi seus cuasi orrroscius.

Sa bona noa est ca s vida de totus, o cuasi, sighit chena perunu mudamentu.

 

Màuru Mura

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

Foto: https://municipiodicarinola.it/notizie/579169/aggiornamento-positivita-covid-19-giorno-25-10