De candu est diventada Reina, e seus chistionendu de setant’annus a oi, comenti arregodau in custas dis de su “Giubileo di Platino”, eris Elisabeta d’Inghilterra non at partecipau a manc’una de is cincu dis de su Royal Ascot. Po chini no ddu scit est sa cursa de cuaddu aunia si amostant is cappeddus massimamenti prus strambus. Ddu ant fatu sciri si responsabilis de s’ippodromo de Ascor, cicaus de Sky News, nenduru ca sa Reina sighit a tenni calencunu problema de mobilidadi chi non ddi ant permitiu de ddu essi.

Sa prima borta insu Royal Ascot de Elisabetta II fut stetia in su 1946 e de tandu ddu est sempri stetia sonumancu una dì de is cincu. Is cuaddus de sempiri funt stetius una de is pasionis prus mannas de Elisabetta, cussus de sa Scuderia cosa sua, ocannu sonumancu dexi, faint garas e in isurtimuns annus ant bintu mesdissimu in Ascot. De sighiu ddu est sempiri stetia e feti in su 2020, po mori de sa pesta de su Covid,sa manifestada fut fata curriri a jannas serradas.

Sa Domu reali fut rapresentada de su principi Carrulu e de Camilla, duchessa de Cornovaglia, chi ant sfilau, comenti si fait sempiri, in carrotza in sa pista a innantis de su cumentzu de is garas, martis passau. Ascot s’agatat a pagu tretu de su casteddu de Windsor, una de is residentzias de sa Reina.

Cussus de non dda biri in Ascost est o sa genti ingresa unun grandu arriolu.

Elisabetta II (nascia Elizabeth Alexandra Mary in Londra su 21 de arbili de su 1926) est sa Reina de su Regno Unito de sa Gran Bretagna e Irlanda del Nord e de is atrus remis de su Commonwealth. Fut sa figlia manna de su Duca de York, chi de fatu est diventau rei cun su nomini de Giorgio VI, e de sa pobidda Elisabetta, prima Duchessa de York. De fatu airi serbiu in sa Ausiliary Territorial Service, candu ci fut sa segund aguerra mondiali, in su 1947 si coiat cun su principi Filippo Mountbatten fenduru cuatru figlius: Carrulu, Principi de su Galles, Anna Principessa reale, Andria, Duca de York e Edoardo, Conti de su Wessex.

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

 

Foto: https://www.ansa.it/sito/notizie/topnews/2022/02/20/la-regina-elisabetta-e-positiva-al-covid_9848090c-50f3-4761-808c-d38be7416834.html