In sa relata a is capus de su G20, su presidenti ucrainu Volodomyr Zelensky, at chistionau de dexi puntus chi at nau “de importu mannu” po s’Ucraina, po lompiri a sa pagi. A su primu postu “sa seguresa nucleari”, duncas “sa seguresa alimentari”, e a su dee tres “sa seguresa energetica”. “Sa de cuatru est a torrai in libbertadi totu is presoneris pigaus de is russus”, at aciuntu. Sa de cincu “sighiri sa Carta de is Natzionis unidas e a torrai a ponni is territorius ucrainus comenti funti a innantis de s’invasioni russa”.

“Sa de ses – at sighiu a nai su presidenti Ucrainu – est chi is sordaus de sa Russia s’arretirint de is terras nostas e s’acabbu de dogna cunitierra”. Sa de seti est “sa giustissia”: “Eus giai chistioanu cun s’Assemblea Generali de is Natzionis Unidas aunia pedeus unu cumpensu internatzionali po totu is dannus causaus de sa gherra russa: bosi pedeus de dda sighiri”.

Duncas, a se de otu, “L’ecocidio”, chi bolit nai, “sa necessidadi de protetzioni inderetura de s’ambienti”. Su de noi est sa difesa de s’aumentu de sa gherra: un’erriscu chi est ancora biu e at a sighiri fintzas a candu sa seguresa de s’Ucraina no at esssi garantia. Po immoi s’Ucraina non fait parti de peruna alliantzia. E sa Russia at possiu cumentzai custa guerra propriu po sa neutralidadi de su Stadu nostu. A s’urtimu postu po fairi torrai sa pagi creu chi ddue siant s’acabbu de totu is mesuras, de seguresa e de giustissia”.

A is fueddus de su presidenti ucrainu at arrespustu su ministru de is esterus russu Serghei Lavrov, chi chistionendu in su G20 at nau ca funt pensadas “fartzas e non ogualis po is atrus”. Sa Russia iat bolli biri “realtadis e non fueddus” in pissu de su poderi postu de s’Ocidenti in Zelensky poita decidat de negotziai, at aciuntu Lavros. Is Stadus ocidentalis ant cicau de ponni sa politiga in pissu de totu, at sighiu su ministru, candu sa cosa no est aici, Zelensky in sa relata sua at amostau feti de nai su matessi: est totu curpa de sa Russia.

 

 

Màuru Mura

 

 

 

Martis, su 15 de Sant’Andria de su 2022

 

 

 

 

 

Foto: https://www.ilmessaggero.it/mondo/lavrov_guerra_stati_uniti_zelensky_10_proposte_pace_ucraina_russia-7054066.html