S’Uficiu Stampa de sa Presidentzia de sa Republica at fatu connosciri su calendariu de is consultatzionis intru de Sergiu Mattarella e is partidus po fairi su Guvernu nou, nasciu de is eletzionis de su 25 de cabudanni passau.

Miraosiddu:

 

Oi, giobia binti de Santu Gaine ant a bessiri in su Quirinale:

a is dexi: su Presidenti de su Senau Ignatziu La Russa

a is undixi : su presidenti de sa Camera Larentu Fontana

a mesudì: sa truma parlamentari “Po is autonomias (SVP-Patt, Campobase e Sud Chiama Nort) de su senau de sa Republia

a mesudì e mesu: Gruppo Misto de su Senau de sa Republica

a is cuatru de pusti prangiu: Gruppo misto de sa Camera de is deputaus

a is cuatru e mesu, sempiri a pusti prangiu: Is rapresentantis de “Alliantzia Birdis e Manca” de su Gruppo Misto de sa Camera de is deputaus

A is cincu de merì: sa trauma parlamentari de “Atzione-Italia Viva” de su Senau de sa Republica  e de sa Camera de is deputaus

A is ses de merì: sa truma parlamentari “Movimento 5 stelle” de su Senau de sa Republica e de sa Camera de is deputaus.

A is seti de merì: sa truma de is parlamentaris “Partidu Democratigu -Italia Democratiga e Progressista” de su Senau de sa Republica e e sa Camera de is deputaus.

 

Cenarba, su 21 de Santu Gaine

A is dexi e mesu: Is trumas parlamentaris de su centrudrestra Fradis d’Italia, Lega Salvini Premier-Partidu sardu de atzioni, Fortza Italia Berlusconi Presidente, Civici d’Italia – Noi Moderati (UDC- Coraggio Italia – Noi con l’Italia – Italia al Centro) – MAIE

 

Feti de fatu chi at chistionau cun totu is fortzas politigas Sergiu Mattarella at a donai s’incarrigu po fairi su guvernu nou, chi in teoria iat depiri trabbagliai fintzas a su 2027.

Est scontau ca su Presidenti ddu at a donai a su partidu chi at pigau prus votus, duncas a is Fradis d’Italia, chi funt giai prontus a fairi is nominis de is ministrus nous.

 

 

 

Màuru Mura

 

 

Giobai su 20 de mesi de talamini de su 2022

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22

 

 

 

Foto: https://www.facebook.com/profile.php?id=100067936491469