Su Casteddu aprontat sa partida de Coppa Italia cun su Bologna, custu merì a is noi in su stadiu Dall’Ara, ma chena si ndi scaresciri sa partida prus de importu mannu, cussa de lunis a merì cun s’Ascoli.
Finas po custu, Liverani at decidiu de lassai in domu prus de unu giogadori chi s’ant allenai oi e totu in Asseminello.
Aici abarrant foras de sa lista de is convocaus, in prus de is strupiaus Goldaniga e Ciocci, finas Altare Mancosu, Rog, Makoumbou e Nandez. Is sa lista ddue funt is giogadoris de sa Primavera casteddaia Lolic, Veroli e Cavuoti.
Totu in pressi at a fairi su Casteddu: erribat custu mengianu in Bologna e at a torrai a partiri comenti acabbat sa partida.
Custus funt is giogadoris lamaus de s’allenadori: Portieris: Aresti, Lolic, Radunovic; difensoris; Capradossi, Dossena, Obert, Veroli, Di Pardo, Zappa, Carboni, Barreca; giogadoris de mesu campu: Deiola, Lella, Viola, Cavuoti Kourfalidis; atacantis: Pereiro, Lapadula, Pavoletti, Millico, Falco, Luvumbo.
Thiago Motta, allenadori de su Bologna, at giai fatu sciri sa sua: “Ap’a ponni is giogadoris meglius, comenti facu in dogana partida. Oi eus a giogai cantu meglius contras de su Casteddu, seus cuncentraus in su presenti, chena castiai su benidori”.
S’allenadori de is emilianus at chistionau fintzas de Zirkee, chi est spantendu is tifosus: “Contras de su Napoli at giogau una bella partida, est trabbagliendu beni e meda, si minescit de giogai prus ora e sa spera est chi sigat a ascurtai. Arnautovic? Istat meglius, sa schina non ddi bolit prus, eus a biri chini cumentzat sa partida e chini at a intrai a partida in cursu”.
Contras de su Casteddu de Liverani, Thiago Motta s’aspetat una “partida dificili, contras giogadoris chi ant giogau fintzas in Serie A, depeus cicai de binciri, cun sa cursa e cun sa conca. Deus oi seguru chi Liverani at a fairi giogai is meglius in Bologna. Eus benni a biri.
Màuru Mura
Giobia, su 20 de mesi de ladamini de su 2022
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22
Foto: https://www.gazzetta.it/scommesse/pronostici/calcio/17-10-2022/quote-e-pronostici-sedicesimi-coppa-italia-3700.shtml
