A pustis de dus annus, de cras s’Italia bessit a foras de s’apretu. Finas chi s’aumentu de is impestaus no est un bella spera: feti in Sardigna eris atrus duamila nous, in Italia setantasetimila.

De cras cumentzant a orruiri calencuna de iis regulas acapiadas a su Green Pass e finas s’umperu de is mascheredda mudant, aici comenti ant a mudai is mesuras po s’incungiamentu e sa cuarantena: totu scritu in d’unu documentu de su su ministeru de sa Saludi. Scumparit su sistema de is coloris poi s Regionis e no ant a esistiri prus su Cts e totu cussu chi faiat su Cumissariu Franciscu Figliuolo: pigant su postu insoru una unidadi po acabbai is vacinus e atra mesuras contras de su virus, ghiada de su generali de s’Esercitu Tomaso Petroni.

De su primu de arbili su green pass no at a serbiri prus po intrai in butegas, uficius pubricus, bancas e postas, albergus e b&b, po andai de su braberi e in su stangu, nemancu po si setziri in is mesigeddas, in logu abertu, de is tzilleris e in is ristorantis. At a sighiri, invecias, su vacinu o su tamponi, fina a su 30 de arbilipo bufai o papai a intru de tzilleris e ristorantis e po castiai partidas in logurs foras.

Sempiri finas a su trinta de arbili obrigu de Green pass (vacinu o sanaus, est a nai) po cojas e festas po chini fait is annus, aici comenti po andai a cinema, tiatru, piscinas, palestras e discotecas (aunia si torrat a odri preniri is aposentus), sighiri cunvegnus e cungressus, andai a cuncertus e manifestatzionis sportivas in logu serrau. S’obrigu de su pass scadit, giai de cras, poi s corieras, in autobus e s metropolitana, auniaperou si at a depiri a portai sa mascherina Ffp2 in faci. In is aparechius, in is navis e in trenus natzionali, invecias, finas a su trinta de arbili sighit a serbiri su certificau birdi normali. De su primu de maju no at essi prus obrigu s’umperu de is tenni is maschereddas chirurgicas in logus serraus.

 

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

 

Foto: https://www.comune.grugliasco.to.it/it/news/coronavirus-fine-stato-di-emergenza-dal-1-aprile-niente-green-pass-p