“Castienduru is numurus de su Coronavirus podeus nai ca in Sardigna si podit torrai a partiri, certu cun passientzia e a bellu a bellu chena pressi ma a innantis de totu is atrus. Depeus torrai a-i cussa normalidadi de vida chi seus aspetendu totus de cuasi dus mesis”. Est custu su pensamentu de su presidenti de sa Regioni Christian Solinas, chi cun atrus degi presidentis e is dus presidentis de is provincias autonomas at scritu a su presidenti de sa Repubblica Sergiu Mattarella e a cussu de su guvernu Pepe Conte pedendu de tenni prus poderi po giumpai s’urtimu decretu de su guvernu po su 4 de maju. “In cussu chi eus pediu – narat sempiri Solinas – si podint agatai totu cussu chi giai connosceus de is dis passadas, ddu pensaus totus. Seus cunvintus chi non totus depant torrai a partiri paris”. Imoi est a biri eita arrespundit su Guvernu.
Foto: https://www.ilfattoquotidiano.it/2019/12/31/regione-sardegna-la-giunta-solinas-destina-17-milioni-di-euro-alle-scuole-materne-private-oltre-la-meta-dei-fondi-a-quelle-cattoliche/5643465/
