Su cuatru de maju s’acostiat sempiri de prus e in Italia, finas chi si funt abasciendu is malaidus de Coronavirus, is numurus narant ca s’impestu no est oguali po totu is regionis. Est de importu mannu totu custu po cicai de biri comenti s’at torrai a oberri. A ddu nai, craru e tundu, est su Ministru de su Sviluppo Economico Stevini Patuanelli: “Si podit arregionai po oberri: in is zonas aunia funt prus pagus is malaidus est prus facili a sighiri sa cadena de is cuntatus”.
Funt de acordiu is espertus, chi agiudant su guvernu, e narant c apo torrai a partiri tocat a tenni contu de is numurus e de s’andamentu de su virus.
Is numurus chi eriseru at donau sa Protetzioni Civili fueddant de 433 mortus in d’una dì, est su numuru prus basciu de una cida a imoi (in totu funt 23.660). Calant finas cussus chi s’agatant in terapia intensiva e crescint is sanaus. In Sardigna is impestaus nous funt 17, in totu 1.214, e de duas dis non morit nemus.
In Lombardia puru s’abasciat su numuru de is mortus, is impestaus e is chi funt in terapia intensiva, arriolat su Piemonti chi est crescendu po is impestaus e is mortus.
Foto: https://gds.it/articoli/politica/2020/04/20/la-sicilia-contiene-i-casi-di-coronavirus-il-ministro-patuanelli-aperture-differenti-per-le-regioni-7a805951-4cd4-4ec3-9c6c-3591364b4eb9/
