“Si podit nai chena peruna duda, nosi ant lassaus a sa sola”. Ddu at nau su presidenti de su Guvernu, Giusepi Conte, arrespundendu a una pregunta de su giorronali tedescu Sueddeutsche Zeitung. “Finas Ursula von der Leyen nos at pediu scusa a nomini de s’Unioni Europea. Apu apretziau meda”. Candu s’est chistionau de su Mes, Conte at fatu sciri ca non ddi pragit meda e ca “in Italia tenit unu contu legiu. Non si seus scarescius chi in sa crisi economica a is grecus, po pigai custu dinari, ddis ant pediu sacrificius de macus”. “Is natzionalismus non giuant a s’Europa – at sighiu a nai Conte -. Cussu chi serbit e teneus abbisongiu est un Europa giai critica, ma chi scipat fairi. Seus bivendu un’ora aunia tocat a fairi unu brinchidu de calidadi. Deu dda biu comenti dda bit Emmanuel Macron: seus cunvintus ca in giogu ddue est su benidori de s’Europa. Non soi chistionendu de is eletzionis chi ant erribai ma propriu de un’idea de Europa”.
Foto: https://www.affaritaliani.it/politica/coronavirus-un-premier-arrivato-per-caso-ora-conte-diventato-un-gigante-666901.html
