Po s’ora is mesuras de Conte, chi narant de torrai a oberri calencuna butega, massimamenti librerias, cartolerias e de orroba po pipius, no ant essi sighias in Sardigna. “Ancora non ci funt is cunditzionis po torrai a artziai is serrandas”, at nau eriseru su presidenti de sa Regioni Christian Solinas, in s’atobiu de dogna dì cun is giorronalistas. Surcu tostau in Sardigna, prus de cussu de su guvernadori de sa Lombardia Atiliu Fontana, chi sonumancu fait oberri is butegas po s’orroba de is pipius e a s’imbessi de cussu chi fait Zaia in Veneto chi, invecias, incumentzat a fairi biri sa lugi, donendu su permissu a cussus chi currint.
“Ancora sa pesta non s’est frimadae sigomenti eus bidu ca is mesuras de is urtimas duas cidas ant donau calencunu resurtau, sigheus in cussa orruga. Eus a castiai beni comenti andada e chi bieus chi si podit oberri a bellu abellu ddu feus chena farta”.
A intru de custa cida Solinas s’at a biri cun is scentziaus chi ddi funt a costau e at a decidiri chi calencuna atividadi s’at a podiri oberri sa cida chi at a erribai.
Foto: https://www.luccaindiretta.it/copertina/2020/03/14/negozi-chiusi-timore-per-la-sicurezza-cittadini-siano-vigili/169373/
