Calat su numuru de atrus impestaus, poderendusì, a dogna manera sempiri prus o mancu in is cuatrumila. Calant, e non de pagu, is mortus, chi funt a suta de is cincugentus, comenti non sucediat de tempus meda. Sighint a si lebiai is ispidalis e finas sa terapia intensiva.
Custus, in pagu fueddus, is numurus chi at donau sa Protetzioni Civili. In totu, is positivus in Italia, funt erribaus a 102.253, crescius de 1.984. Una de is novas prus galanas est ca calant po sa nona dì de sighiu cussus chi s’agatant in terapia intensiva, imoi funt 3.343, trintotu de mancu de sa dì innanti. Atrus 27.847 funt in is ispidalis, duxentunorantaseti de mancu, cun signalis e is atrus 71.063, invecias, funt in domu is isolamentu. Is mortus funt “feti” 431, est a nai ca est su numuru prus basciu de is urtimas duas cidas. In totu, de candu est erribau su coronavirus in Italia, si contant cuasi bintimila mortus, seus precisamenti a 19.899.
Foto: https://www.unionesarda.it/articolo/news/italia/2020/04/12/altri-4mila-contagi-si-sfiorano-i-20mila-decessi-gli-ospedali-con-137-1007841.html
