Sa Jhons Hopkins University sighit a donai is numurus de sa pesta de su Coronavirus in su mundu. Po s’ora is impestaus aperotu funt bessius a cuasi dus milionis, po sa precisioni 1.920.985. Is mortus puru funt de unu numuru aberu de spantu : 119.686.
Is Stadus Unidus funt cussus chi ant tentu prus impestaus e prus mortus de totus: 582.580 impestaus e 23.622 mortus. Is numurus italianus, po cussu chi si funt mortus, fueddant, invecias, de 20.465. Sa Spagna de Sanchez, po is impestaus, erribant inderetura de fatu de is Stadus Unidus e funt 169.496, sonumancu po cussu chi narat su ministeru de sanidadi de Madrid. In Italia, comenti eus giai nau, si funt giumpaus is bintimila mortus e, po imoi, cussus ancora malaidus erribant a 103.616.
Numurus chi nos agiudant a cumprendiri ca, forsis, calencuna cosa no est andada comenti depiat andai. Eus a biri chi is mesuras de is guvernus ant a funtzionai e chi, aberu comenti narant, cun s’erribu de su calori su virus no at a curriri comenti invecias at fatu in custus primus mesis de su 2020.
Foto: https://www.ilmamilio.it/c/comuni/24406-coronavirus,-nella-asl-rm5-altri-19-casi-guarito-un-57enne-a-palestrina-ancora-trasferimenti-dal-nomentana-hospital.html
