“Abarrai aunia seis, non depeis andai mancu de is parentis, non facheis viagius foras de sa citadi, lassai perdiri su mari. Abarrai in domu, depeus sighiri a fairi cussu chi seus fendu ca chi nde chi no totu cussu chi eus fatu non at a balliri nudda”. Custus is fueddus de Pàulu Truzzu, su sindigu de Casteddu, po su fini de cida de Pasca Manna chi ocannu orruit propriu in prenu cun s’emergentzia de su Coronavirus. Po s’ora in Sardigna funt prus de milli is impestaus e, in pagu prus de unu mesi, si contant finas sessantacuatru mortus.
Pensenduru a Pasca Manna e a su lunis, in Sardigna, e in s’orrestu de s’Italia, is controllus ant essi meda de prus. Carabineris, politziotus e forestalis (chi de su 14 de martzu ant ispetzionau prus 22mila personas in totu sa regioni, ponendu multas a 424 po essiri in giru chena perunu motivu) ant essi in dogna logu, massimamenti in is logus de mari. Est de arregodai puru ca in cussas duas dis totu is butegas, foras de is potecarias, funt serradas.
Foto: https://www.comune.cagliari.it/portale/it/persona.page?contentId=PRS11084
