Su biau de Larentu Ilieschi nos iat arregalau custa prenda manna: sa bortada in sardu de sa Missa, a manera sua e cun sa scritura chi s’umperaiat tandu. A nosu fait feti prageri a dda pubricai ca aici agataus unu modu po arregodai unu poeta e unu scritore chi at donau meda a sa cultura sarda.

 

 

 

SANTA MESSA

 

  1. In nomen de su Babbu, de su Fizu e s’Ispiritu Santu
  2. Amen.

 

SU SALUDU

 

  1. Sa grascia de su Segnore nostru Gesu Cristu s’amore de Deus          Babbu e-i sa comunione de s’Ispiritu Santu siat cun bois.
  2. E cun s’Ispiritu Tou.

 

ATTU PENITENZIALE

 

  1. Su Segnore Gesusu, chi nos invitat a sa missa de sa Peraula e de          l’Eucaristia, nos giamat a sa cunversione. Reconnoschemus                     d’esser peccadores e invochemus cun fiduzia sa misericordia de             Deus.
  2. Cunfesso a Deus Onnipotente e a bois frades chi hapo meda          peccadu , in pensamentos, peraulas, operas e omissiones, pro                   mia gulpa, mia massima gulpa.

E supplico sa Biada sempre Virzine Maria, sos Anghelos, e  bois frades, de pregare pro me su Segnore Deus nostru.

 

  1. Deus Onnipotente hapat misericordia de nois perdonet sos          peccados nostros e nos conduat a sa vida eterna.

 

  1. Amen.

 

 

INVOCASSIONE

 

  1. Segnore, piedade A.               Segnore, piedade.
  2. Cristos, piedade A.               Cristos, piedade.
  3. Segnore, piedade A.               Segnore, piedade.

 

INNU DE LAUDE

 

  1. Gloria a Deus in s’altu de sos chelos…
  2. … e paghe in terra a sos omines de bona volontade. Nois Ti          laudamus, Ti beneighimus, Ti adoramus, Ti glorificamus, Ti                   rendimus grascias pro sa gloria Tua immensa. Segnore Deus,                  Anzone de Deus, Fizu de su Babbu, Tue chi leas sos peccados                 de su mundu, hapas pietade de nois; Tue chi leas sos peccados                 de su mundu, accogli sa nostra supplica; Tue chi sezzis a sa                          dresta de su Babbu, hapas piedade de nois.

Proite Tue solu, su Santu, Tue solu su Segnore, Tue solu                          s’Altissimu, Gesu Cristu, cun s’Ispiritu Santu, in sa gloria de                   Deus Babbu. Amen.

 

COLLETTA

 

  1. Pregamus………………………………………………………..

 

LITURGIA DE SA PERAULA

 

  1. Da-i s’Evangeliu segundu……………………………………….

…………………………..

Peraula de su Segnore.

 

  1. Laude a Tie, o Cristos.

 

 

OMELIA

………………………………………………………………………………………………………………………………………………………………………………………………………………………………………………

 

 

 

 

 

 

 

PROFESSIONE DE FIDE

 

  1. Creo in unu solu Deus…
  2. … Babbu Onnipotente, criadore de su chelu e de sa terra, de totu sas cosas visibiles e invisibiles. Creo in unu solu Segnore Gesu Cristu,         unigenitu fizu de Deus, naschidu da-i su Babbu prima de totu sos        seculos; Deus da-i Deus, lughe da-i sa lughe, Deus veru da-i Deus      veru, generadu, non criadu, de sa matessi sustanzia de su Babbu; pro      mesu de Isse totu sas cosas sun istadas criadas. Pro nois omines e pro     sa nostra salvesa est faladu da-i su chelu, (inchinu) e pro opera de    s’Ispiridu Santu s’est incarnadu in su senu de sa Virzine Maria e si          est fattu omine. Est istadu cruzificadu pro nois sutta Ponziu Pilatu,         est mortu e l’han sepultadu. Est faladu a s’inferru. Sa terza die est       resuscitadu, segundu sas iscritturas, est pigadu a su chelu, sezzit a sa        dresta de su Babbu . E de nou hat a torrare, in sa gloria, pro giudicare      sos bios e-i sos mortos e-i su regnu sou no hat haer fine. Creo in       s’Ispiritu Santu, chi est Segnore e dat sa vida, e prozedit da-i su        Babbu e da-i su Fizu. Cun su Babbu e cun su Fizu est adoradu e glorificadu, e hat faeddadu pro mesu de sos profetas. Creo sa Santa          Cheja, una, santa, cattolica e apostolica. Professo unu solu battijmu        pro su perdonu de sos peccados. Isetto sa resurrezione de sos mortos   e-i sa vida de su mundu chi hat a benner. Amen.

 

 

 

 

PREGADORIA DE SOS FIDELES

………………………………………………………………………………

 

 

 

 

 

 

 

 

 

 

LITURGIA EUCARISTICA (sezzidos)

 

  1. Beneittu ses Tue, Segnore, Deus de s’universu; da-i sa Tua buntade hamus rezzidu custu pane, fruttu de sa terra e de su trabagliu de     s’omine; lu presentamus a Tie, pro chi diventet pro nois zibu de vida eterna.

 

  1. Beneittu in sos seculos su Segnore!

 

  1. Beneittu ses Tue, Segnore, Deus de s’universu; da-i sa Tua buntade hamus rezzidu custu ‘inu, fruttu de sa ‘ide e de su e de su trabagliu          de s’omine; lu presentamus a Tie, pro chi diventet pro nois bevanda   de salvesa.

 

  1. Beneittu in sos seculos su Segnore!

 

  1. Pregade, frades e sorres, pro chi custu nostru sacrifiziu siat aggradessidu a Deus Babbu onnipotente.

 

  1. Su Segnore rezzat da-i sas manos Tuas custu sacrifiziu a laude e gloria de su nomen Sou, su bene nostru e de tota sa cheja Sua Santa.

 

(in pè)

 

PREGADORIA SUBRA SAS OFFERTAS

 

  1. Manda, o Babbu, s’Ispiritu Santu promissu da-i Fizu Tou, pro chi rivelet a sos coros nostros su misteriu de custu sacrifiziu, e nos abberzat a sa connoschenzia de tota sa veritade. Pro Cristos Segnore nostru.

 

  1. Amen.

 

 

 

 

 

 

PREGADORIA EUCARISTICA

 

  1. Su Segnore siat cun bois.
  2. E cun s’Ispiritu tou.
  3. In altu sos coros nostros.
  4. Sun rivolgidos a su Segnore.
  5. Rendimus grascias a su Segnore, Deus nostru.
  6. Est cosa bona e giusta.
  7. Est veramente cosa bona e giusta, dovere nostru e funtana de salvesa, rendere grascias sempre e in dogni logu a Tie, Segnore, Babbu santu,     Deus Onnipotente e eternu.

Oe has giutu a cumprimentu su misteriu pascale e subra cuddos chi        has rendidu fizos de adozione in Cristos Fizu Tou has mandadu s’Ispiritu Santu, chi a s’arveschida de sa Cheja naschente has         riveladu a totu sos populos su misteriu cuadu in sos seculos, e hat riunidu sos limbazos de sa familla umana in sa professione de s’unica         Fide.

Pro custu misteriu, in sa pienesa de sa gioia pascale, s’umanidade esultat in tota sa terra, e cun s’assemblea de sos Anghelos e de sos       Santos cantat s’innu de sa Tua Gloria:

 

  1. Santu, Santu, Santu, su Segnore, Deus de s’universu. Sos chelos e sa terra sun pienos de sa Tua gloria. Osanna in s’altu de sos chelos.
  2. Babbu veramente Santu, a Tie sa laude de ogni criadura. Pro mesu de Gesu Cristu, Fizu Tou e Segnore nostru, in sa potenzia de s’Ispiritu        Santu, faghes vivere e santificas s’universu, e sighis a radunare in      giru a Tie unu populu, chi da unu cunfine a s’ateru de sa terra      offerzat a su nomene Tou su sacrifiziu perfettu. Como Ti pregamus        umilmente: manda s’Ispiritu Tou a santificare sos donos chi T’offerimus, pro chi diventen su corpus e su sambene de Gesu          Cristu, Fizu Tou, Segnore nostru, chi nos hat cumandadu de zelebrare custos misterios.            (imbenujados)

In sa notte in sa cale est istadu traitu, Isse hat leadu su pane, T’hat          rendidu grascias cun sa pregadoria de beneiscione, l’hat segadu, l’hat     dadu a sos discepulos suos e hat nadu:

”Leade e mandigade totu, custu est su corpus meu, offeridu in        scrifiziu pro bois”.

Poi de sa chena, in su matessi modu, hat leadu su calighe T’hat      rendidu grascias, cun sa pregadoria de beneiscione e l’hat dadu a sos          discepulos suos, e hat nadu: ”Leade e buffadende totu, custu est su         calighe de su sambene meu, pro sa noa e eterna alleanzia, versadu pro bois e pro totu in remissione de sos peccados. Faghide custu in memoria de me.

Misteriu de sa Fide!

  1. Annunziamus sa morte Tua, Segnore, proclamamus sa Tua resurrezione, in s’isettu de sa ‘ennida Tua.
  2. Zelebrande su memoriale de Fizu Tou, mortu pro sa salvesa nostra, gloriosamente resuscitadu e pigadu a su chelu, in s’isettu de sa       ‘ennida Sua Ti offerimus, Babbu, in rendimentu de grascias, custu    sacrifiziu vivu e santu. Abbaida cun amore e reconnosche in s’offerta    de sa cheja Tua, sa vittima sacrificada pro sa redenzione; e a nois, chi   nos nutrimus de su corpus e sambene de Fizu Tou, dona sa pienesa       de s’Ispiritu Santu pro chi diventemus in Cristos unu solu corpus e        unu solu Ispiritu.

Isse fettat de nois unu sacrifiziu perenne a Tie aggradessidu, pro chi          potemus ottenner su regnu promissu umpare cun sos Tuos elettos:          cun sa biada Maria Virzine e mama de Deus, cun sos Tuos  Santos       apostulos, sos gloriosos martires, e totu sos Santos, nostros         intercessores affacca a Tie.

Pro custu sacrifiziu de recunziliassione dona Babbu, paghe e salvesa      a su mundu intreu.

Cunfirma in sa Fide e in s’amore sa cheja Tua pellecrina in sa terra;       su servidore Tou e Paba nostru Giuanne Paulu II, su nostru        piscamu……… su collegiu episcopale, totu su clero e-i su populu chi         Tue has redimidu. Isculta sa pregadoria de custa familla chi has       cunvocadu a sa Tua presenzia in sa die chi s’effusione de s’Ispiritu       Tou l’hat costituida sacramentu de unidade pro totu sos populos.    Ricongiunghe a Tie, Babbu misericordiosu, totu sos fizos Tuos          isperdidos in dogni logu. Accogli in su regnu Tou sos frades nostros          defuntos e totu sos giustos chi, in paghe cun Tegus, han lassadu custu          mundu; cunzedi a nois puru de nos agatare umpare a godire pro     sempre sa gloria Tua, in Cristos Segnore nostru, pro mesu de su cale     Tue, o Deus, dona a su mundu ogni bene.

Pro Cristos, cun Cristos e in Cristos, a Tie, Deus, Babbu onnipotente,    in s’unidade de s’Ispiritu Santu, ogni onore e gloria pro totu sos         seculos de sos seculos.

  1. Amen.

 

 

RITOS DE SA COMUNIONE

 

  1. Prima de partezipare a sa mesa de s’Eucaristia, signu de recunziliassione e vinculu de unione fraterna, pregamus umpare    comente su Segnore nos hat insinzadu.
  2. Babbu nostru, chi ses in sos chelos, siat santificadu su nomen Tou, benzat su regnu Tou, siat fatta sa volontade Tua, comente in chelu          gai in terra. Da nos oe su pane nostru de ogni die, e rimitti a nois sos       depidos nostros, comente nois los rimittimus a sos depidores nostros,     e non nos induas in tentassione, ma liberanos da ogni male.
  3. Liberanos, o Segnore, da-i totu sos males, cunzedi sa paghe a sas dies nostras, e cun s’aggiudu de sa misericordia Tua hamus a viver       sempre liberos da-i su peccadu e seguros da ogni turbamentu, in        s’isettu chi si cumprat sa biada isperanzia e benzat su salvadore      nostru Gesu Cristu.

 

  1. Tou est su regnu, Tua sa potenzia e-i sa gloria in sos seculos.

 

  1. Segnore, Gesu Cristu, chi has nadu a sos Tuos apostulos: ”Bos lasso sa paghe, bos do sa paghe mia” no abbaides a sos peccados nostros, ma a sa Fide de sa cheja Tua, e donali unidade e paghe segundu sa         volontade Tua, Tue chi vives e regnas in sos seculos de sos seculos.

 

  1. Amen.

 

  1. Sa paghe de su Segnore siat sempre cun bois.
  2. E cun s’Ispiritu Tou.
  3. In Cristos chi nos hat rendidu totu frades cun sa rughe Sua, iscambiadebos unu signu de paghe.
  4. Anzone de Deus, chi leas sos peccados de su mundu, hapas piedade de nois. Anzone de Deus, chi leas sos peccados de su mundu, hapas   piedade de nois. Anzone de Deus chi leas sos peccados de su mundu,     dona a nois sa paghe.

 

  1. Biados sos invitados a sa chena ‘e su Segnore.

Ecco s’anzone de Deus, chi leat sos peccados de su mundu.

  1. O Segnore, non sò dignu de partezipare a sa mesa Tua; ma nara solu una peraula e deo hapo a essere salvadu.

 

 

COMUNIONE DE S’ASSEMBLEA

 

  1. Comente su Babbu hat mandadu a mie, deo puru mando a bois. Rezzide s’Ispiritu Santu. Alleluia.

 

  1. Pregamus, o Deus chi has dadu a sa cheja Tua sa comunione a sos benes de su chelu, custodi in nois su donu Tou, pro ch’in custu zibu          ispirituale chi nos nutrit pro sa vida eterna, siat sempre operante in         nois sa potenzia de su Ispiritu Tou. Pro Cristos Segnore nostru.
  2. Amen.

 

  1. Su Segnore siat cun bois.
  2. E cun s’Ispiritu Tou.
  3. Bos beneigat Deus onnipotente, Babbu, Fizu e Ispiritu Santu.
  4. Amen.
  5. Sa missa est finida, andade in paghe.
  6. Rendimus grascias a Deus.

 

 

Màuru Mura

 

Giobia su ses de Santu Aine de su 2022

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22

 

Foto: https://www.luigiladu.it/poesias/a_piaghe.htm