Casteddu torrat a partiri, ma po Truzzu ancora tocat a andai a bellu-a bellu. Fut ancora aspetendu su chi naraiat sa Regioni ma in s’ordinanza comunali est ancora proibiu de s’atobiai, in is logus de totus, a prus de duas personis, e ddu podint fairi feti cussus chi giai bivint paris. Mesuras grais ancora cussas de su sindigu casteddaiu, sonumancu finas a su 2 de làmpadas. Andat beni a s’atobiai cun amigus ma is is orrugas, in is parcus e in is prassas s’at a podiri essiri feti cun d’un’atru, cun totu is atrus tocat a essiri a tesu de unu metru. Faciola sempiri in is orus, de si ponni in is logus serraus e is is logus aunia ddu at genti meda. In is parcus abarrant serradas, po s’ora, is zonas de is giogus po is pipius.
Is butegas aunia si comporat sa cosas de papai depint serrai a intru de is noi oras de merì. Non cambiat nudda po is interrus e is coias: in cuindixi podint andia a is interrus, chena contai cussus de s’agentzia e predi, e chi est possibili chi siat a s’obertu; coias in cumunu cun is sposus, is testimongius, su chi coiat e su numuru de is cumbidaus ancora no est stabiliu.
Foto: https://it.wikipedia.org/wiki/Palazzo_Civico_(Cagliari)
