Finas in Sardigna, de oi, si torrat a una vida prus o mancu normali. Cun is faciolas, a su serrau e in foras aunia non si nci podit stesiai de unu metru, e stesiamentu. In calencunu logu at a serbiri a umperai ancora is guantus e nosi depeus abituai a umperai su gel po is manus. In atrus logus tocat a si fairi misurai finas sa caglientura.
De oi, perou, podeus bessiri chena su paperi de s’autocertificatzioni e podeus andai apetotu, sonumancu in Sardigna etotu po atobiai parentis e amigus, arrespetendu sempiri su stesiamentu de unu metru. Podeus andai in is bar, in is ristorantis, a nos indi fairi segai is pilus o de s’estetista, a missa, in is domus chi teneus in atras partis e, massimamenti, a su mari, finas chi sa dì parit una de atongiu.
Abarrat s’obligu de incungiamentu, de catodixi dis, po cussus chi ndi torrant de foras Sardigna, de calechisiat logu. De giobia torrant a bolai is aparechius. Po imoi est feti s’aeroportu de Casttedducussu obertu ma de su 21 oberit finas cussu de Terranoa po bolai a Roma o Milanu.
Foto: https://www.viveresenigallia.it/2020/05/18/riaprono-anche-bar-e-ristoranti-in-anteprima-la-simulazione-di-come-sar-tornare-a-mangiare-fuori/791360
