Atrus seti mortus de su Coronavirus in Sardigna. Est cussu chi narant is numurus de sa Protetzioni Civili, imoi, po custus, is mortus in totus bessint a cincuantanoi. Sighint a cresciri finas is numurus de is impestaus, chi imoi, contenduru mortus e sanaus, bessit a 975: 151 funt in sa citadi metropolitana de Casteddu, 74 in su Sud Sardegna, 29 in Aristanis, 67 in Nugoro, 654 in Tatari. Cussus chi s’agatant in s’ispidali funt 143 e de custus 31 funt in terapia intensiva e atrus 696 in domu isolaus de totus. De su catodixi de martzu is Forestalis ant castiau 21.737 personas po biri chi sighiant totu is mesuras regionalis. Feti s’atra dì cuasi milli: 275 in Casteddu, 39 in Igresias, 69 in Aristanis, 189 in Tatari, 143 in Tempio, 202 in Nugoro, 78 in Lanusei. Multas po bintitres, undigi in Casteddu, tres in Tatari, 3 in Aristanis, 2 in Tempio, 2 in Lanusei, 1 in Igresias e una in Nugoro.
Foto: https://www.esperonews.it/2020032711689/categoria-g-z/provincia/coronavirus-da-domani-controlli-del-corpo-forestale-sui-prezzi-dei-prodotti-agroalimentari.html
