Torrat a bessiri su numuru de is impestaus de Coronavirus in Italia, ma sighint a calai, finas chi de pagu, cussus chi s’agatant in is ispidalis e in terapia intensiva. Eriseru funt medas cussus sanaus e is mortus torrant a calai a suta de is seigentus.
Funt in totu 95.262 i malaidus, 1.195 in prus de sa dì innanti. De totu is malaidus s’agatant in terapia intensiva in 3.693, atrus 28.485 funt in is ispidalis e 63.084, invecias, in domu a tesu de totus. S’otu de arbili, po imoi, est sa dì cun prus sanaus de candu su Coronavirus est erribau in Italia: 2.099, e imoi in totu funt 26.491.
“Is sanaus de is urtimas dexi dis funt su 50% de totu cussus sanaus de s’incumentzu de sa pesta”, fait sciri su capu de sa Protetzioni Civili Angilu Borrelli.
Chistionendu de is mortus, est a nai, ca si torrat a suta de is seigentus, eriseru funt 542 e imoi seus in totu a 17.669.
Foto: https://www.unionesarda.it/articolo/news/italia/2020/04/08/record-di-guariti-vittime-sotto-quota-600-ma-risale-il-numero-dei-137-1006453.html
