In is urtimas binticuatr’oras mancu unu malaidu de coronavirus in Sardigna. Cambiant is numurus puru, pariant in totu (mortus, sanaus e impestaus) 1.369 e invecias funt noi de mancu e duncas si frimant a 1.360. Mancu unu mortu chi sighint a abarrai 132. Is test chi funt stetius fatus in sa terra nosta imoi funt bessius a 77.129. In is ispidalis s’agatant feti in seti, nemus de custus est in terapia intensiva, e is incungiaus in domu funt otu. Po imoi is sanaus funt 1.193.
Parit ca ce dda seus fendu a ci bogai su virus, ma ancora non fait a ddu nai a bogi trop’arta ca tocat. Tocat a sighiri is mesuras de su Guvernu po is mascherinas e po si stesiai unu de s’atru, ca parit sa sola cosa de fairi beni p once ddu bogai beni e po no ddu fairi torrai mai prus custu virus maladitu chi nos at fatu cambia su modu de biviri e de pensai puru.
In Sardigna, totu is impestaus, aici funt dividius in is provincias: 250 in sa citadi metropolitana de Casteddu, 98 in su Sud Sardigna, 61 in Aristanis, 78 in Nugoro e 873 in Tatari.
Foto: https://www.regione.sardegna.it/xml/getpage.php?cat=342
