Numurus sempiri bonus cussus chi erribant de su bulletinu de sa Regioni po sa pesta de su coronavirus. In is urtimas 24 oras feti 3 casus nous de impestaus. Imoi, in totu, funt 1343 e is mortus abarrant a centubinti. Cussus positivus funt 511, cuatru de mancu de sa dì innanti. Funt sempiri dexi cussus in terapia intensiva e calant de unu, de 84 a 83, is ricoveraus. Is atrus 417 funt acorraus in domu. Seti est su numuru de cussus sanaus e imoi funt in totu 712. Is tamponis fatus, po s’ora, in s’Isula nosta funt 34.641.
Is positivus funt aici dividius in su territoriu: 245 in sa citadi metropolitana de Casteddu, 97 in su Sud Sardegna, 57 in Aristanis, 78 in Nugoro e 866 in Tatari.
De su 14 de martzu passau funt in totu 43.342 cussus chi sa Forestali at frimau. Feti s’atra dì funt 480 is controllus fatus: 79 in sa citadi metropolitana de Casteddu, 4 in Igresias, 25 in Aristanis, 163 in Tatari, 56 in Tempio, 102 in Nugoro, 51 in Lanusei. Feti una multa, in Nugoro.
Foto: https://www.agi.it/cronaca/news/2020-03-15/coronavirus-covid-19-sardegna-7542600/
