In Italia si funt giumpaus is 200mila impestau, contenduru positivus, mortus e sanaus, de candu in Codogno, su 20 de friargiu, eus tentu su primu malaidu. Po s’ora seus erribaus a 201.505, e funt 2.091 in prus de s’atra dì. S’abbasciat su numuru de cussus chi a dì de eriseru funt positivus, aici s’erribat a 105.205, chi funt 608 de mancu sempiri de sa dì innanti. Novas feas erribant de su numuru de is mortus: 382 chi faint in totu 27.359. Is sanaus besisnt, custa est sa nova bella, e erribant a 68.941, eriseru funt crescius de 1.696. Sighint a s’abbasciai puru cussus chi s’agatant in terapia intensiva, eriseru ndi funt bessius in norantatres. De totu is 105.205 malaidus, 19.723 funt in is aposentus de is ispidalis cun signalis e 83.619 cussus acorraus in domu.
Is malaidus funt aici dividius: 35.744 in Lombardia (303 in prus de sa dì innanti), 12.003 in Emilia-Romagna (-222), 15.506 in Piemonti (-2), 8.601 in Veneto (-259), 5.896 in Toscana (-87), 3.571 in Liguria (-9), 3.334 in is Marche (+24), 4.562 in su Latzio (+0), 2.802 in Campania (-75), 1.565 in sa provincia de Trento (-142), 2.919 in Puglia (+7), 1.239 in Friuli Venetzia Giulia (-19), 2.143 in Sicilia (+20), 1.990 in Abruzzo (-40), 910 in sa provincia de Bolzano (-30), 275 in Umbria (-12), 772 in Sardigna (-4), 764 in Calabria (-18), 209 in Valle d’Aosta (-26), 205 in Basilicata (-12), 195 in Molise (-5).
Is mortus, invecias, funt aici dividius 13.575 in Lombardia (+126), 3.472 in Emilia-Romagna (+41), 2.936 in Piemonti (+58), 1.408 in Veneto (+64), 811 in Toscana (+16), 1.141 in Liguria (+13), 893 in is Marche (+9), 414 in su Latzio (+17), 358 in Campania (+6), 412 in sa provincia de Trento (+5), 407 in Puglia (+2), 278 in Friuli Venetzia Giulia (+7), 232 in Sicilia (+1), 310 in Abruzzo (+11), 272 in sa provincia de Bolzano (+2), 65 in Umbria (+0), 109 in Sardigna (+0), 85 in Calabria (+2), 135 in Valle d’Aosta (+2), 25 in Basilicata (+0), 21 in Molise (+0).
Foto: https://www.giornalettismo.com/numeri-coronavirus-28-aprile/
