Su presidenti de su Guvernu Conte, a pustis sa tzirimonia de su ponti nou de Genova de eriseru a mengianu, est torrau in Lombardia e de Lodi at torrau a chistionai de is mesuras po si difendiri de su coronavirus.
“Est ancora mannu s’erriscu de sa pesta, e custa est s’arregioni de non torrai a oberri totu paris”. A is presidentis de is regionis at nau: “Bosi pedu de nosi donai is numurus dogna dì, aici podeus intervenni e serrai is orrubinetus aunia c’at abbisongiu. Eus fatu calencunu passu a innanti, po calencunu non bastat, ma non podeus fairi de prus. Deu soi su primu chi iat a bolli a torrai a biviri comenti fachiaus ma po s’ora tocat a fairi aici comenti seus fendu”. “Eus bidu – at sighiu a nai – ca in atrus Stadus funt torrendu a palas. De lunis chi benit c,5 milionis de trabagliadoris ant a torrai a trabagliai. Is scolas depint abarrai serradas, non ci podeus fairi nudda. Cussu chi eus fatu est cosa nosta, ddu eus fatu castienduru su documentu de s’Iss e chi calencun narat ca non bastat, nosu non ci podeus fairi nudda”.
Foto: http://www.rainews.it/dl/rainews/media/Conte-a-Lodi-emergenza-coronavirus-sulle-aperture-non-possiamo-fare-di-piu-rischio-di-ritorno-contagio-molto-concreto-a9ff8685-1862-4a1b-a844-4605536db448.html
