Sa Valle d’Aosta puru tenit is primus impestaus de su Coronavirus, funt dus. Cuasi duas cidas a pustis de su primu malaidu, su 21 friargiu passau, imoi in totu is regionis italianas tenint calencunu casu. De cussu chi narat s’Istitutu superiori de sa Sanidadi, in Sardigna funt dus is boddius de su virus. Sa Lombardia est sa regioni cun prus malaidus cun millicuatrugentusnorantaseti sighia de s’Emilia Romagna cun cincugentusegi e su Veneto cun tregentucorantacincu. Sighint, ma cun numurus medas prus bascius, su Piemonti cun otantadus, is Marche cun otanta, sa Toscana cun trintaseti, sa Campania cun trintunu, su Lazio cun bintiseti, sa Liguria cun bintunu, su Friuli cun digiotu, sa Sicilia cun segi, s’Umbria cun noi, sa Puglia e s’Abruzzo cun seti, su Trentino cun cincu, su Molise cun tres, sa provincia de Bolzano, sa Calabria e sa Basilicata cun d’unu.
De eriseru su Guvernu de Conte a pigau decisionis fortis de averas, a cumentzai de sa serrada, finas a su 15 de martzu de totu is scolas e de is Universidadis.
Foto: https://www.giornalettismo.com/coronavirus-in-italia-mappa/
