Immoi serbit unu miraculu po sarvai su Casteddu de sa Serie B. A su Casteddu non arrrennescit de binciri cun s’Inter po giumpai sa Salenrintana e si giogai totu cun su Venetzia dominigu chi benit. Giai si sciat de su cumentzu ca sa partida cun is nieddusasulus fut stetia dificili, ma ancora unu pagu de spera tocat a dda tenni,. Iat a bastai chi sa Salernitana non binciat sa partida cun s’Udinese e su Casteddu binciat a Venetzia e sa scuadara sarda at a poderai sa Serie A. Est dificili, ddu scieus totu, ma su giogu de sa cocia at bidu atrus miruaculus e tocat a ci creiri finas a s’acabu.

Is milanesus bincint sa partida po 3-1 cun d’unu gol de Darmian in su primu tempus e dus gol de Lautaro Matinez in su segundu. A nudda, candu s’arresurtau fut de 0-2, est serbiu su gol de su grecu Lykogiannis. Unu Casteddu, andat nau, chi non si dda giogada beni , finas chi tocat a nai ca sa scuadra de Inzaghi fut de un’atra categoria, ma is faddinas de totut su campionau non si depint agatai immoi.

Sa partida de Casteddu at cundennau a sa Serie B su Genoa e at sarvau sa Sampdoria. Immoi abarrat feti unu postu e si ddu giogant is sardus cun is campanus. Chi is duas scuadaras lompint a pari puntus at essi su Casteddu a si sarvai, ma s’Udinese depit calai in Salerno cun gana e barra a fairi puntus chi non ddis serbit a nudda.

Su probelma est ca non si depiat erribai a custu puntu poita candu si fut bintu in Bergamo e Torino sa cosa pariat fata. De seguru, comenti is bogis de sa cida passada naraiant, canlencuna cosa est sussedia, ma tocat a donai meritus mannus finas a sa Salernitana ca at fatu unu’acabbu de campionau de spantu. E meritu ancora prus mannu ddu tocat a donai a un’allenadori chi sarvat totu cussu chi c’est de sarvai: Davidi Nicola!

Atru giogadori chi tocat a ddi torrai gratzias est Vicario, finas a ocannu passau in Casteddu: chena airi parau cussu rigori de Perotti, immoi non serbiat mancu sa spera.

 

 

16 de maju de su 2022

 

 

Màuru Mura

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”

 

 

 

Foto: https://www.calciomercato.com/news/inter-lautaro-da-record-darmian-stacco-alla-ronaldo-barella-a-si-79645