“Su scioberu de Carli de lamai a Zenga est sa meglius chi si podiat fairi po torrai a donai cuntentesa manna a is tifosus e lassai a palas custus tres mesis passaus”. Custus is fueddus de su presidenti de su Casteddu Tommaso Giulini in sa presentada de s’allenadori nou Walter Zenga, a pustis c’airi bogau Rolando Maran.

“Mancant ses puntus po si sarvai de sa retrocessioni. Spereus chi Zenga nosi possat agiudai a ddus fairi cantu prima”, at aciuntu Giulini. Ma non feti custu at nau, e at sighiu: “Eus fatu erriri po tres mesis, totus, sociedadi, allenadori e giogadoris. Imoi est benia s’ora de sarvai sa faci, de torrai a-i cussu chi eus fatu a innanti de su mesi de Idas, poita cussu chi eus bidu in is urtimas cidas, po is giogadoris chi teneus, non est su Casteddu chi boleus”. Chistionendu de Maran su presidenti at fatu sciri ca “soi dispragiu meda ma disprageri prus mannu ddu tengiu po is arresultaus chi non funt erribaus”. Imoi at essi su campu a nai chi su presidenti at tentu arregioni.

 

 

Foto: https://www.centotrentuno.com/news/walter-zenga-presentazione-sky/