“Seus bivendu un’ora dificili meda, ma non depeus essiri in su fogu tenendu, totu in paris ddu eus a binciri”. Custus is fueddus de su presidenti de sa Republica Sergiu Mattarella in d’una litara aunia cumbidat is italianus a non si fairi pigai de sa timoria ma de sighiri is arregulas chi at donau su Guvernu.
“Sa timoria de ndi boddiri custu virus est manna po totus e depeus essiri arriolaus ma totus depeus essiri responsabilis e depeus finas cicai de non tenni afannu perunu ca podit essiri peus”, scrit ancora Mattarella. “S’Italia est passendu un’ora aunia tocat a s’impegnai meda, su guvernu at donau is aregulas e deu disigliu a cumbidai totus a ddas sighiri chena farta, finas chi a bortas podint cambiai su modu nostu de biviri”. In sa litara torrat gratzias mannas a-i cussus italianus, de is zonas aunia is impestaus funt de prus, chi funt fendu sacrificius mannus cun seriedadi e responsabilidadi”.
Foto: https://www.ilfattoquotidiano.it/2020/02/28/coronavirus-mattarella-stop-alle-paure-irrazionali-possono-portare-a-comportamenti-autolesionistici-avere-fiducia-nella-scienza/5720068/
