A eriseru funt 7985 is impestaus de su Coronavirus, in Italia, 1897 in prus de dì innnati de eriseru, e 93 is mortus chi aici faint 463. 4316 funt is ricoveraus, de custus 733 funt in terapia intensiva, e 2936 cussus in domu chi non podint bessiri. Cussus chi ce dd’ant fata chena problemas, invecias, funt 724. Custus funt is numurus de sa Protetzioni civili chi Angilu Borrelli, su capu, donat dogna dì. Ddu at una nova in custus numurus: incumentzant a cresciri is ricoveraus de s’idadi chi andat de 25 a 49. Totu is regionis italianas tenint malaidus e in s’Isula nosta funt erribaus a 31. Is urtimus cuatru in Casteddu s’atra dì, eriseru, invecias, is 12, dotoris e infermieris, chi trabagliant in s’ispidali de Nugoro.
Eriseru s’assessori a sa Sanidadi sarda Nieddu at arregodau comenti “totu is malaidus sardus, su virus ddu ant boddiu in Continenti, ma chi tocat a donai croba manna su matessi”.
Foto: https://www.regione.piemonte.it/web/temi/sanita/coronavirus-gestione-della-situazione-piemonte
