Funt digiannoi is malaidus de Coronavirus in Sardigna, is urtimus funt de eriseru e totus in Casteddu ma non funt de s’arriolai, e sa Regioni incumentzat a pigai mesuras cun d’unu pianu staordinariu. Ant essi controllaus e postus in isolamentu totu cussus chi erribant in Sardigna de is “zonas orrubias” e postus de trabagliu po dotoris, infermieris e Oss in is ispidalis.

Su presidenti de sa Regioni Solinas, po cicai de fairi calencuna cosa, at chistionau, in su mericeddu de eriseru, nendu ca po una bintina de dis non si podiat erribai in s’Isula sarda ma su guvernu at arresputusu nendu ca nou. Abarrat, duncas, s’ordinanza regionali po sa cali chini eribat de sa Lombardia, de is provincias de Modena, Parma, Piacenza, Reggio Emilia, Rimini, Pesaro, Urbino, Alessandria, Asti, Novara, Verbano-Cusio-Ossola, Vercelli, Padova, Treviso e Venetzia tenit s’obligu de ddu fairi sciri a is dotoris, de abarrai in isolamantu po duas cidas, de non podiri viagiai, de fairi sciri aunia s’agatat e de avertiri inderetura is autoridadis sanitarias chi ddu at calencuna cosa chi no andat.

Chini erribat, in navi o in aereu, depit nai aunia s’agatat in isolamentu e depit donai su numuru de telefunu.

Eriseru in Usini un’omini, chi torraiat de su Milanesu po agatai is figlius, est stetiu denunciau de is carabineris poita no at nau ca s’agataiat in bidda e si nd’est andau po is bar.

 

 

Foto: https://www.regione.sardegna.it/j/v/2568?s=404626&v=2&c=289&t=1