Torrat a bessiri su numuru de is mortus pos su Coronavirus in Italia. Imoi funt in totu 6.820, eriseru funt crescius de 743. Lunis passau si furint frimaus a 601. A eriseru 3.396 malaidus s’agatant in terapia intensiva, chi funt 192 in prus de sa dì innanti. De custus 1194 funt in Lombardia. De is 54.030 malaidus in totu, 21937 funt in is ispidalis e s’orrestu, 28.697, s’agatant, invecias, in domu insoru. Duncas de s’atra dì is malaidus funt aumentaus de 3.780. In totu, contendu mortus e sanaus puru, in Italia si funt amalaidaus in 69.176.
Sa bona nova est ca po sa tertza dì de sighiu, is impestaus, funt calaus de numuru. A donai totu custus numurus, comenti dogna dì, est stetiu su capu de sa Protetzioni Civili Angilu Borrelli chi at finas e nau ca is mesuras de su Guvernu no ant essi finas a su 31 de triulas ma in donnia ant essi torradas a discutiri.
Foto: https://www.giornalettismo.com/numeri-coronavirus-24-marzo/
