Progressistas, LeU e is Steddaus pedint de nomenai unu Comissariu po s’emergentzia Covid-19 e de cambiai s’assessori regionali a sa Sanidadi Mariu Nieddu, su Pd, invecias, bolit una cumissioni chi biat a intru unu epidemiologu, unu virologu e unu dotoria chi siat espertu de emergentzias, ma non a cambiai s’assessori. De atra parti, faint sciri is consiglieris democratigus in d’unu documentu, “eus bistu sa nomina de Antoni Pascali Balloi, de sa protetzioni civili, a comissariu straordinariu po s’emergentzia Covid-19”.
Is atrus, Progressistas, LeU e Steddaus, invecias, abetiant e narant ca c’est abisongiu de “unu comissariu chi siat a su costau de sa Regioni, in custu tempus, unu chi tengiat esperientzia manna chi agiudit poita bieus mancantzias tropu mannas in su trabagliu de chini depit garantiri”.
Inderetura s’est fatu intendiri su Presidenti Solinas chi at nau: “Unu cumissariu imoi no est su problema prus mannu chi c’est. Chi fueddaus de unu chi possat agiudai s’aministratzioni in cussu chi est fendu, ndi podeus chistionai”. “Soi pensendu a unu comenti Guidu Bertolaso, chi possat aciungiri calencuna cosa e donai una manu de agiudu, ma de seguru non soi pensenduru a nci stupai a nemus”.
Foto: https://www.unicaradio.it/wp/2020/03/sardegna-coronavirus-posti-terapia-intensiva/
