“Chi sa genti non bidi su dinari chi erribat est craru chi non si torrat a partiri et est ancora prus craru ca nosu non podeus abarrai in custu guvernu: chi at essi aici deu non possu fairi su Lego de atrus guvernus. Pensu chi non s’at andai a votai, poita non ci funt is cunditzionis sonumancu finas a su 2023, tocat a biri chi in Parlamentu ddue siant atrus numurus”.
A pustis is fueddus tostaus in s’aposentu de su Senau, Mateo Renzi sighit a chistionai contras de su presidenti Pepe Conte in sa trasmissioni de Bruno Vespa, Porta a porta.
“Cussu chi est seguru –at sighiu a nai Renzi – est chi po mei chi Conte tenit is numurus cun Berlusconi po andai a innanti, deu non tengiu perunu problema né cun s’unu, né cun s’atru. Deu bogliu feti chi sa genti chi oi non dromit poita non scit a cali santu chistionai, siat ascurtau de su Guvernu, chi non depit pensai a chini est garantiu ma a chini non tenit peruna garantzia”. “Is mesis chi ant erribai ant a donai su pensamentu chi tenint is italianus de Conte. Chi donat dinari a is aziendas e s’at arriolai de prus de sa genti chi non tenit trabagliu e de mancu de is sondagius in pissu de sei, nosu eus a essi de seguru cun issu. Ddu depit decidiri cussu e totu”.
Foto: http://www.meteoweb.eu/2020/04/coronavirus-renzi-terapia-intensiva/1428165/
