Nova legia po sa Sardigna: eriseru, comenti narat su bulletinu de sa Protetzioni Civili po su coronavirus, atrus seti mortus. Imoi, in totu, de s’incumentzu de martzu si ndi contant 116. Cichendu de castiai sa tassa mesu prena agataus, perou, feti cincu malaidus nous, chi portant a 1.290 su numuru de chini nd’at boddiu su virus. Is sanaus de eriseru bessint a 413, noi in prus de sa dì innanti. Sa genti impestada, a di de oi, funt 761, su numuru prus mannu de custus, 657, s’agatant incungiaus in domu, s’orrestu, invecias, funt dividius tra is aposentus de is ispidalis, 87, e sa terapia intensiva, 17.
Is 1.290 impestaus aici funt dividius in sa regioni nosta: 234 in sa citadi metropolitana de Casteddu, 93 in sa provincia de su Sud Sardigna, 54 in sa provincia de Aristanis, 76 in cussa de Nugoro e, su numuru prus mannu, 833, in cussa de Tatari.
Foto: https://www.ipsos.com/it-it/litalia-al-tempo-del-coronavirus-3deg-aggiornamento
