Una dì de lugi e de numurus galanus chi ancora non si furint bidus. Calant is impestaus nous e bessint de numuru is sanaus e is tamponis fatus. Su capu de sa Protetzioni civili donat is numurus de sa pesta, ma a innanti fait sciri ca non c’at essi prus perunu atobiu cun is giornalistas, mancu po duas bortas a sa cida.
Is malaidus de Covid-19 funt 101.551, chi poni sighit totu comenti est andendu, funt 3.106 de mancu de sa di innanti. Finas is ispidalis funt prus lebius: 101 ndi funt bessius de sa terapia intensiva e imoi nd’abarrat 1.694; atrus 1.061 ndi funt bessius de is ispidalis, imoi ddue abarrant in 18.149 e 1.944 non funt prus acorraus in domu, ddue nd’at, a dogna manera, atrus 81.708. Bessint a 27.967 is mortus in totu, ca tocat a aciungiri is 285 de eriseru. Funt erribaus a cuasi dus milionis is tamponis fatus, 1.979.217 po nai.
Torraus a biri comenti funt dividius is malaidus in is regionis italianas: 36.211 Lombardia (89 in prus), 9.563 in Emilia-Romagna (-2.299), 15.493 in Piemonti (-28), 8.147 in Veneto (-222), 5.584 in Toscana (-79), 3.551 in Liguria (-25), 3.210 in is Marche (-137), 4.468 in su Latzio (-67), 2.773 in Campania (-9), 1.370 in sa provincia de Trento (-93), 2.949 in Puglia (+22), 1.170 in Friuli Venetzia Giulia (-57), 2.157 in Sicilia (+12), 1.915 in Abruzzo (-61), 802 in sa provincia de Bolzano (-43), 233 in Umbria (-28), 744 in Sardigna (-17), 740 in Calabria (-13), 89 in Valle d’Aosta (-46), 192 in Basilicata (-2), 190 in Molise (-3).
Is mortus invecias: 13.772 in Lombardia (+93), 3.551 in Emilia-Romagna (+39), 3.066 in Piemonti (+63), 1.459 in Veneto (+22), 842 in Toscana (+15), 1.167 in Liguria (+15), 906 in is Marche (+7), 441 in su Latzio (+10), 359 in Campania (+0), 418 in sa provincia de Trento (+2), 415 in Puglia (+5), 289 in Friuli Venetzia Giulia (+4), 235 in Sicilia (+3), 320 in Abruzzo (+5), 275 in sa provincia de Bolzano (+1), 67 in Umbria (+1), 116 in Sardigna (+0), 86 in Calabria (+0), 137 in Valle d’Aosta (+0), 25 in Basilicata (+0), 21 in Molise (+0).
Foto: https://www.giornalettismo.com/numeri-coronavirus-30-aprile/
