“Soi prontu a chistionai a totu is senadoris, a conca arta e cun sa cuscentzia pulia de chini at difendiu s’Italia e is italianus. Chi un’omini non bolit gherrai po is ideas suas o is ideas suas non balint nudda o non balit nudda issu”.
Aici Mateu Salvini, nendu una massima de su poeta Ezra Pound, a innanti de sa discussioni de oi in Senau aunia s’at a chistionai de sa “richiesta di autorizzazione a procedere” po sei po cussu chi fut sussediu cun sa Gregoretti.
A su segretariu de sa Lega, su tribunali de is ministrus incurpat de airi secuestrau is centutrintunu migrantis, abarraus po cuatru dis in pissu de sa navi militari e a pustis sbarcau in Augusta, su 31 de triulas de su 2019 candu Salvini fut ministru de s’internu.
Su votu de Palazzo Madama – chi at essi craru – iat depiri erribai aintru de ora de prandiri, ma s’at a sciri feti a merì poita s’at a podiri votai finas a is seti po lassai a totus su tempus de fairi.
Foto: https://tg24.sky.it/politica/2019/09/10/salvini-senato-video.html
