Su centrumanca sardu est incumentzendu a trabagliai po is eletzionis aministrativas de su beranu chi at erribai. Arregodaus ca ant essi centucincuantanoi is cumunus chi ant a votai e cuatru, Nuoro, Sestu, Cuartu e Porto Torres, de custus funt cun prus de cuindigimila abitantis. Amanniai sa coalitzioni po si presentai totu paris in acordiu, custa est sa finalidadi de is Progressistas chi eriseru ant intregau un’atobiu con su deputau de Leu Nigola Fratoianni e cun Massimu Zedda. “La Sardegna in Italia e in Europa. Uniti negli obiettivi, autonomi nell’identità”, aici ant lamau s’atobiu. Mancaiat, ca fut acaglienturau, su segretariu de su Partidu democratigu regionali, Emanueli Cani.
“Po su benidori tocat a si ponni paris cun genti cun is matessi idealis – at nau Franciscu Agus, su caputruma in Consigliu Regionali – umperai custu tempus po cicai de torrai a partiri e incumentzai a biri unu programa eletorali”.
Foto: http://www.matinella.it/elezioni-amministrative-albanella-ecco-landamento-dello-scrutinio-per-lelezione-del-sindaco-di-albanella/
