“Su distinu est de non creiri, a bortas. Pariat totu prontu po torrai in campu e invecias miraimì a chistionai de un’atru infortuniu. Soi stancu e non ce dda facu a erriri meda ma depu agatai is fueddus e is fortzas po torrai a curriri. Bogliu torrai gratzias a totus, de coru”.
Lionardu Pavoletti cicat de si fairi fortza a pustis de un’atru infortuniu, legiu che su de a innantis, a su genugu chi giai dd’iant operau in su austu passau. Depiat torrai in campu tra pagu tempus…
Pavoletti at scritu totu custu in Instagram e inderetura si funt fatus intendiri is tifosus de totu is scuadras e finas is collegas. De arregodai cussu chi at scritu Nicolò Zaniolo, a foras cussu puru po s’essiri strupiau mali: “Ses unu mannu, augurius”.
Massimamenti ddi ant fatu is augurius is cumpangius de su Casteddu, de Joao Pedro a Cerri, de Faragò a Lykogiannis, e finas is cumpangius becius de scuadra comenti Romagna e Castro, ma finas giogadoris de atras scuadras, de Criscito de su Genoa a Izzo de su Torinu. Augurius mannus finas de Laura Giuliani, su portieri de sa natzionali italiana de is feminas e de atrus sportivus comenti Fabiu Fognini, campioni de su tennis italianu.
Foto: https://calcio.fanpage.it/infortunio-pavoletti-ricaduta-al-ginocchio-gia-operato-lesione-al-legamento-crociato/
