In Orgosolo atrus tres impestaus de su Coronavirus, ddu at fatu sciri sa Comuna, nendu puru ca de custus tres s’est scipiu po mori de is trintadus tamponis fatus in is dis passadas in foras de is scolas elementaris. Is atrus bintinoi si podint allirgai ca funt sanus che piscis. Imoi in sa bidda de is murales bessint a dixiotu is impestaus e totus s’agatant serrraus in domu po sa cuarantena.

Su sindigu Dionisu Deledda, in is dis passadas, iat giai cumandau in totu su territoriu orgolesu s’imperu de sa mascherdda po totu sa dì e finas a su 16 de cabidanni. Po tres dis, su primu, su dus e oi is uficius pubricus furint serraus e s’aspetat, cun isperantzia manna e fidi chi totu acabit in sa manera meglius.